lunes, 31 de enero de 2022

O traxe novo do rei

"Otraxe novo do rei"
Un espectáculo de títeres para público infantil e familiar baseado no conto de Hans Christian Andersen. Non todos os contos cheiran ben, e este é un bo exemplo...
Se queres máis información:
655630239
tarabelos@gmail.com 
TES TAMÉN MÁIS INFO NAS PÁXINAS DESTE BLOG











jueves, 27 de enero de 2022

Debulendo Lendas Galegas

Debulendo Lendas Galegas, non é...

- Non é unha clase de historia... pero falamos de piratas galegos que fixeron historia, de festas históricas, de personaxes sencillos que cambiaron a historia, (como María Pita) da viaxe duns poucos celtas que sairon de Brigantia e chegaron a Irlanda...
- Non é unha clase de lingua... pero contamos en galego, aprendemos a ler un signo de interrogación, coñecemos palabras novas, como "debuler"...
- Non é un obradoiro artístico... pero cada persoa do público ten o seu material de traballo artístico co que debulemos xuntos...
- Non é unha exposición de arte... pero expoñense máis de medio centenar de obras orixinais que nos axudan a visualizar as escenas que contamos...
- Non é un espectáculo antigo... pero nos valemos dunha técnica milenaria para contar, o Kamishibai xapones, e un instrumento co que contaban tamén as nosas bisavoas, a pandeireta.
- Non é teatro de máscaras... pero as ilustracións se utilizan como máscaras para representar os personaxes...
- Non é un safari... pero imos cazar bechos grandes e pequenos...
- Non é unha conversa... pero a voz de todos é audible...
- Non é un concerto... pero se toca e se canta, e quen quere baila...
- Non é unha charla científica... pero descubrimos novas especies...

Dixéronme que é unha sesión "diferente" e iso me gusta. Dixéronme que é "imprevisible", e iso me encanta.



 







viernes, 21 de enero de 2022

Sabela e o paxaro máxico

"Sabela e o paxaro máxico"
Un espectáculo de títeres para público infantil e familiar que xa percorreu tantos lugares... e o que lle queda...
Se queres máis información:
655630239
tarabelos@gmail.com 
TES TAMÉN MÁIS INFO NAS PÁXINAS DESTE BLOG








 

jueves, 20 de enero de 2022

Novo Mural

Rematado un novo mural no CEIP Seixo. Moitas grazas a ANPA Abelendo pola súa confianza. Canto me gusta pintar nas paredes!











 

miércoles, 9 de diciembre de 2020

Contos nunha roda

Atendendo ás necesidades especiais dos coles, por mor dos protocolos sanitarios, Tarabelos oferta un novo formato, que permite percorrer os espazos do cole ofrecendo sesións de contacontos coa técnica de Kamishibai. "Contos nunha roda" facilita o traballo con grupos de convivencia e ten fácil adaptación ás necesidades de cada centro escolar. Son sesións que achegan ós nenos e nenas esta técnica de contar historias, que forma parte da cultura xaponesa, e que conecta dúas artes: a narración oral e a ilustración.  Tradicionalmente o Kamishibai, vai montado na bicicleta dun Gaito Kamishibaiya e percorre as vilas e aldeas facendo pequenos espectáculos nas prazas; este Kamishibai "tarabelizado" desprázase polo voso cole nunha soa roda cargado de contos e lendas coa misma intención.
Actividade complementaria:
Ademáis, "Contos nunha roda" vai acompañado dunha proposta de actividade complementaria en formato audiovisual, que conecta ás historias contadas coa arte surrealista. 


 

martes, 2 de abril de 2019

Sachacontos

Xogar cos contos nos ofrece posibilidades infinitas que nos axudan a medrar (sexamos grandes ou pequenos). Con eles: Compartimos, relacionámonos, descubrimos vidas, aprendemos de experiencias vividas, buscamos explicación ó inexplicable, aprendemos a expresar, nos desinhibimos, aconsellamos, rimos xuntos, aprendemos novas palabras, adestramos a nosa imaxinación, facémonos creadores... 
Sachacontos, é unha xuntanza de miolos compartindo ideas e ocurrencias... un obradoiro de creación de contos frescos, nunca contados, nunca escoitados... 
Imos xogar... Xogar coas historias e cos personaxes. Todos podemos imaxinar, todos podemos  xogar, todos podemos crear,  polo tanto non nos preocuparemos do resultado; será especial; será noso.
E un obradoiro baseado na imaxinación, na improvisación e no traballo cooperativo. 
E cal sería o resultado esperado? 
Contos creados, rematados ou sen rematar, ideas tolas, mentes abertas... con ansia de seguir creando.

Outras posibilidades?
O obradoiro é aberto a nen@s entre 5 e 105 anos, polo tanto, ademáis de grupos de nen@s, tamén podemos pensar es grupos de adultos, de edades variadas: mestres, asociacións, grupos familiares, animadores... e calquera grupo que sinta a súa utilidade.




miércoles, 22 de febrero de 2017

13 Aniversario!!!

Hoxe é un día importante; estamos de aniversario!
É 9 de febreiro, e hai 13 anos que comezamos unha aventura que xa entrou na adolescencia. Idade complexa, onde un ten que ir definíndose nunha chea de asuntos, tomar decisións de cara ó futuro; unha idade tola, onde nos volvemos todos un pouco "tarabelos" e temos necesidade de probar, desafiar, reestructurar... Tarabelos é un adolescente e vólvese, as veces, complexo torealo. Ten tantas cousas novas na cabeza que lle gustaría sacar ó escenario... que non da feito!
E eu dígolle:
-Unha cousa, e despois a outra.
Pero é terco de mente e non para de darlle voltas a cabeza para sacar dela algo interesante, que fale ó corazón da xente, que transmita aquelas antigas historias que non deben desaparecer, que comparta novas historias e personaxes, que faga que un neno e un vello disfruten xuntos, e conten xuntos, e rían xuntos. Algo que faga medrar as mentes, a imaxinación, a risa... Algo que axude a estar mellor, a superar, a pensar, a relacionar, a compartir...

Non sei que vou facer con él. Pero non ten paraxe...

Tarabelos non é o bebé de hai 12 anos, nin o neno de hai 9 anos, Tababelos é un adolescente... Seguimos cumprindo anos si Deus quere, e xa maduraremos, supoño.

Grazas a todos os que confiastes en Tarabelos para as vosas programacións, gracias a todos os que vos sentastes nas butacas ou no chan, grazas á familia, grazas á Tarabela e a Tarabeliño, grazas a Deus.

Estou pensando, que haberá que facer algún tipo de festa. Non? Para celebralo e para agradecelo, Tarabelos volve a regalar unha actuación gratuita onde ti queiras e a que ti queiras; si che toca.
E si chegaches a ler isto, é porque leiches o rollo anterior, xa merecerías o premio, pero non pode ser asi, jajajaja. Vouvos contando.

Unha aperta.


miércoles, 17 de febrero de 2016

Sorteo: e ti queres títeres?

A semana pasada cumprimos 12 anos e celebrámolo pasando de 500 me gustas na nosa páxina de facebook. Para compartir a nosa alegría faremos un súper sorteo.

O agasallo que sorteamos é una función dun espectáculo de Tarabelos a custo 0€ (incluíndo desprazamento e dietas).
O espectáculo será: "Sabela e o paxaro máxico" (podendo negociar outra opción no caso de que xa se fixese con anterioridade no mesmo lugar).
A función representarase dentro do ano 2016.

A función realizarase en calquera cidade ou pobo de Galicia (que é o campo de traballo de Tarabelos). No Facebook explicamos cómo faríamos en caso de que o gañador sexa de fora de Galicia.

A participación neste sorteo, que rematará o día 29 ás 23:59, faise por medio da páxina de Facebook seguindo 3 sinxelos pasos que veredes premendo na imaxe.

Moita sorte a todos!

miércoles, 10 de febrero de 2016

Cada día somos mais!

Onte recibín como agasallo de aniversario unha festiña con parte da familia, con velas e todo!!... unha chea de felicitacións, e moitísimos novos seguidores na paxina de facebook de "Tarabelos: Títeres e Contacontos"!

Grazas a todos! Xa pasamos dos 500 me gustas!!! E isto merece unha celebración!
Que agasallo podería ter para vós?
O mellor que vos podo ofrecer, e teríamos que sortealo, sería o meu traballo. 

Estade atentos, a próxima semana contareivos como o faremos: Tarabelos sorteará entre os seus seguidores de facebook, (ós que estades e os que veñades antes do sorteo) unha actuación gratuita no voso cole, biblioteca, asociación, familia ou calquera grupo de nenos que xuntedes; podedes agasallar a alguén se non tendes un grupo de nenos ao voso cargo. 


martes, 9 de febrero de 2016

Hoxe estamos de aniversario!

Antes de que me dera tempo a anunciar o gran acontecemento de hoxe, xa tiña a sorpresa preparada e moitas felicitacións de amigos. Grazas, moitas grazas. 

Feliz día de Tarabelos a todos os que vos considero Tarabelos e a moitos amigos. Cumplimos con ilusión de aportar novas historias, novas risas, novas reflexións... Grazas a todos!! 

Comparto a sorpresa da miña preciosa "compañeira de TODO", porque me fixo moita ilusión. Grazas!! Premede na imaxe para vela.

domingo, 9 de febrero de 2014

Hoxe abrín os ollos...

Hoxe abrín os ollos pola mañá e o peso da idade caeume enriba con certa brusquidade. Non é o meu cumpre anos. Pero as veces hai outros acontecementos que fan que un  bote a vista atrás e sinta o mesmo vértigo que cando sobes a unha árbore ben alta. Pasar de póla en póla as veces é moi doado, e outras complicadísimo, porque non hai onde poñer os pes. Hai algúns avances tan complexos que chegas a pensar que non paga a pena mais esforzo. As veces tes que baixar catro ramas mais abaixo para seguir pola outra cara do toro, despois de experimentar que polo outro lado xa non hai posibilidade de subir mais. É unha experiencia horrible cando xa estás a certa altura,agarrado a unha póla ancha e confiado de ter boa base; e cando todo o peso do teu corpo está cargado sobre ela todo rompe como se fose palla seca e descobres, entón, que a póla estaba podrecida; menos mal que non era o único apoio.
Pero todo isto compensa coas chegadas a cada balcón; quero dicir: o chegar a aqueles puntos onde a follaxe permite unha boa vista da fermosa paisaxe que forma os arredores da árbore. Pode que aquela paisaxe xa estivera antes alí (ou non), pero o certo é que de non ter subido a aquela árbore, non sería nunca posible apreciar aquelas cores, aqueles sons, aquela vida que corre e voa o redor dun piñeiro. E cando estás mais alto, as vistas son mellores, moito mellores.
O malo é cando topas un oco entre as pólas e podes botar un ollo vertical seguindo o eixe do tronco ata ver como as raíces se cravan na terra; entón o vértigo é considerable. Un calafrío corre polas costas dende o cu ata chegar o pescozo, a altura das orellas. Pero toda esta experiencia é marabillosa e estou agradecido por ela.
Hoxe tarabelos cumpre oficialmente dez anos; gracias a todos!!